Iqela elitsala nzima iStellenbosch FC yaseCape Winelands yongeze umdlali wasemva uWayde Jooste kuluhlu lwabadlali bayo.
UJooste, oneminyaka engamashumi amathathu anesine nowakhe wadlalela i-Orlando Pirates, uzibandakanye neqela lomqeqeshi uSteve Barker nelimtyikitye simahla.
“IStellenbosch Football Club ichwayitile kukubhengeza ukuba ityikitye umdlali wesizwe uWayde Jooste,” sitshilo iStellies.
UJooste uzimanye neStellies emva kokudlala imidlalo engaphaya kwamakhulu amabini ngethuba edlalela iBloemfontein Celtic, iLamontville Golden Arrows, iHighlands Park, iPirates, iMaritzburg United nAmaZulu.
“IStellenbosch liqela ekukudala ndilijongile. Liqela elibenempumelelo enkulu kwezisizini zimbalwa ezigqithileyo,” utshilo uJooste.
Kusenjalo, iStellies sizakubuyela emidlalweni ngethuba siqubisana neSekhukhune United ngoLwesibini umhla wamashumi amabini kuJanyuwari 2026.
