IKaizer Chiefs iquthise iLamontville Golden Arrows ngenqaku elinye eqandeni kumdlalo weBetway Premiership eFNB Stadium, eNasrec, eRhawutini, ngoLwesibini ngokuhlwa.
Umdlali wasemva wAmakhosi u-Aiden McCarthy ufake inqaku leChiefs kwimizuzu emithandathu ngaphambi kokuhlaba ikhefu. IChiefs yonyuke yayokuma kwindawo yesithathu kumanqwanqwa ePremiership emva kweMamelodi Sundowns, ekwindawo yokuqala, ne-Orlando Pirates, elele isibini.
Kusenjalo, uTshegofatso Mabasa ufake inqaku kumdlalo wakhe wokuqala kwiqela lakhe elitsha ngethuba iStellenbosch FC ibetha iSekhukhune United ngenqaku elinye eqandeni komnye umdlalo wePremiership ePeter Mokaba Stadium, ePolokwane.
