I-TS Galaxy ibuqale ngendlela entle ubomi ngaphandle kukaPuso Dithejane njengokuba ibethe iMarumo Gallants ngamanqaku amabini eqandeni kumdlalo weBetway Premiership eMbombela Stadium, eNaspoti, ngokuhlwa kwangoLwesithathu.
Emva kokubambana ngeqanda macala omabini ekupheleni kwesiqingatha sokuqala, iiRockets ziphale phambili ngenqaku likaMory Keita nelingene ngomzuzu wamashumi amahlanu anesixhenxe. UVictor Letsoalo ufake inqaku lesibini leeRockets kwimizuzu elishumi elandelayo.
