Iqela laseSudan, i-Al Hilal, ibethe iMamelodi Sundowns ngamanqaku amabini kwelinye kumdlalo kaGroup C kwiCAF Champions League eStade Amahoro kwelaseRwanda ngokuhlwa kwangoLwesihlanu.
IBlue Wave ibiphala phambili ngenqaku elinye eqandeni ngethuba kuhlatywa ikhefu, nqaku elo lize noMohamed Abdelrhman Yousif Yagub. UJean Claude Girrumugisha ufake elesibini kwimizuzu emibini siqalile isiqingatha sesibini emva kokunikwa ibhola nguWalieldin Khedr Safour Daiyeen.
Ummi waseBrazil, u-Arthur de Oliveira Sales, uzise ithemba kwizangxa zaseTshwane ngethuba efaka inqaku ngomzuzu wamashumi amathandathu ananye kwibhola ebivela kuPeter Shalulile.
Kulandelwa ukubethwa kwayo, iSundowns isukile kwindawo yokuqala yehlela ngezantsi yayokutsho kwindawo yesibini kushiyeke imidlalo emibini kuGroup C.
