ILamontville Golden Arrows neDurban City zizakuqibisana kwidabi laseThekwini xa zidlala kwimidlalo yamaqela asibhozo okugqibela kukhuphiswano lweNedbank Cup kulenyanga ezayo.
Lomdlalo ophakathi kwalamaqela mabini aseThekwini uqinisekiswe ngethuba kuthelekiswa amaqela eRhawutini ngokuhlwa kwangoMvulo. Kwaye ngaloondlela, lomdlalo uthetha ingqiniseko yokokuba iphondo laKwaZulu-Natal lizakubaneqela kumjikelo olandelayo wolukhuphiswano.
Kwelinye icala, AmaZulu azakwamkela iqela elidlala kwiMotsepe Foundation Championship (MFC) iCasric Stars, logama iSekhukhune United izakuqubisana neMilford FC, ize i-TS Galaxy idlale neJacksa Spears, eliqela labangahlawulwayo neliphuma eMntla Koloni.
