Umdlali, oyinzalelwane yaseZimbabwe, u-Isheanesu Mauchi ubhengezwe ngokuhlwa kwangoLwesihlanu njengomdlali omtsha weqela lePremiership nelizinze eGqeberha iChippa United.
UMauchi, ozibandakanye neeChilli Boys esuka kwiSimba Bhora yaseZimbabwe, utyikitye isivumelwano sengqesho seminyaka emibini kunye neqela laseMpuma Koloni. Lomdlali weqela lesizwe laseZimbabwe ebefunwa nayiTS Galaxy, AmaZulu neStellenbosch FC.
UMauchi, oneminyaka engamashumi amabini anesithathu, wayengomnye wabadlali ababanegalelo elikhulu ngethuba iSimba iphumelela intshinga yeZimbabwean Premier Soccer League ngo-2024.
