IMamelodi Sundowns ibuyele phezulu kumanqwanqwa eBetway Premiership emva kokuquthisa iMarumo Gallants ngamanqaku amathathu kwelinye eLoftus Versfeld, ePitoli, mgokuhlwa kwangoLwesibini.
IiBrazilians ziphale phambili ngomzuzu wamashumi amathathu ananye emva kokuba uSiphosakhe Ntiya-Ntiya ehlabe ngomkhonto ekhaya kwibhola ebivela kuMarcelo Allende.
ISundowns iye yohlwaywa emva kokuba uNuno Santos ebambe ibhola negsandla ebhokisini, kwaye uNdabayithethwa Ndlondlo ufake inqaku lokulinganisa kwimizuzu emihlanu ngaphambi kokuhlaba ikhefu.
UTeboho Mokoena, ongene njengelalela kwisiqingatha sesibini, ufake inqaku lesibini leSundowns kwibhola ebisuka ku-Arthur Sales ngomzuzu wamashumi amathandathu anesibini. UMokoena uye wafaka inqaku lakhe lesibini kwixesha elongezwe ngusompempe.
