Kubonakala ngathi uSivenathi ‘Special One’ Nontshinga angaxoza mphini wumbi logama ummi wasePuerto Rico uJonathan ‘Bomba’ Gonzalez esalibazisa ukutyikitya isivumelwano somlo nalembethi-manqindi yaseMpuma Koloni. 

UNontshinga, oyintshatsheli ye-International Boxing Federation (IBF) kudidi lwejunior-flyweight, ngahle ke ngoku alwe kumlo oneentshinga ezintathu nomJapan, uKenshiro Teraji, oyinjinga yeWorld Boxing Council (WBC) neWorld Boxing Association (WBA).

OoNokrawuzana bathele thsuphe i-Ink Sport ukuba abalawuli bakaTeraji banxibelelene nenkampu kaNontshinga befuna umlo ukuba uGonzalez akade atyikitye.

Kusenjalo, uNontshinga, oneminyaka engamashumi amabini anesihlanu, ufumene ibhanti yakhe ye-IBF ngoLwesine emva kokunqumamisa ummi waseMexico u-Adrian Curiel Dominguez kumjikelo weshumi e-Oaxaca kwelaseMexico phantse kwiinyanga ezimbini ezigqithileyo. 

UNontshinga yimbethi-manqindi yokuqala eMzantsi Afrika ukubuyisa intshinga yehlabathi kumlo wokuqala emva kokuphulukana nayo. UNontshinga wanqunyanyiswa kumjikelo wesibini nguDominguez eMonaco ngoNovemba kulonyaka ophelileyo. 

Leave a Reply

Your email address will not be published. Required fields are marked *

css.php