ISuperSport United ivakalisile emva kwemini ngoLwesihlanu ukuba ityikitye umdlali wasephikweni uVincent Pule isithuba sonyaka kwisivumelwano esinokuvuselelwa ukuba wenze kakuhle.
UPule, oneminyaka engamashumi amathathu anesibini, owazalelwa ePhuthaditjhaba, eQwaqwa, kwiphondo laseFreystata, uzibandakanye neMatsatsantsa a Pitori emva kokukhululwa yi-Orlando Pirates kutsha nje.
UPule ebedlalela iiBuccaneers ukususela ngo-2018 ezibandakanya neliqela laseSoweto esuka kwiBidvest Wits.
