U-Irvin Khoza uzakuxhuzula imikhala njengosihlalo wePremier Soccer League (PSL) isihlandlo sesithandathu emva kokonyulwa engaphikiswanga eSandton Convention Centre, eRhawutini, ngemva kwemini yangoLwesithathu.
Losihlalo we-Orlando Pirates, oneminyaka engamashumi asixhenxe anesithandathu, wangena kwesisikhundla kwiminyaka engamashumi amabini ananye eyadlulayo, kwaye uzakuxhuzula imikhala yolawulo kude kube ngo-2028.
UKhoza uzakusebenza noKaizer Motaung, uMato Madlala, uTim Sukazi, uGqirha Rejoice Simelane, uSifiso Biyela, uStanley Matthews kunye noJonny Mogaladi kwikomiti yakhe.
Kusenjalo, usihlalo weCape Town City uJohn Comitis, uDavid Thidiela weBlack Leopards noRob Benadie weStellenbosch FC baphumile kwikomiti elawula iPSL.
