Akukho qela elivume ukugoba uphondo kumaqela amane abedlala kwimidlalo emibini yeBetway Premiership kumaphondo awohlukeneyo emva kwemini ngoMgqibelo.
AmaZulu abambene ngeqanda macala omabini nabamelwane bawo iLamontville Golden Arrows kumdlalo wobukhaya eMoses Mabhida Stadium, eThekwini.
Abafana Bes’thende bakwindawo yesibhozo kumanqwanqwa ePremiership, logama Usuthu lukwindawo yeshumi elinanye.
Kusenjalo, i-TS Galaxy ibanjwe ngeqanda macala omabini liqela elitsala nzima iMagesi FC eMbombela Stadium, eNaspoti.
IiRockets, ezingekabethwa kwimidlalo yazo esixhenxe yokugqibela, zikwindawo yethoba, logama iMagesi ixinge emsileni kumanqwanqwa anamaqela alishumi elinesithandathu.
