Ziindaba ezimnandi kuPuso Dithejane njengokuba ezibandakanye neChicago Fire, edlala kwiMajor League Soccer (MLS) eMelika ngoLwesibini.
UDithejane, owalahlwa yiKaizer Chiefs, uzibandakanye neliqela elidlala kwiMLS evela kwiTS Galaxy.
“Wamkelekile eqeleni, Puso. Sifumene umdlali wasephikweni uPuso Dithejane evela kwi-TS Galaxy FC, edlala kwiBetway Premiership eMzantsi Afrika,” itshilo iChicago Fire.
UDithejane uzakudlala kwiqela elinye noMbekezeli Mbokazi, ozimanye neChicago Fire esuka kwi-Orlando Pirates. UDithejane utyikitye isivumelwano sengqesho seminyaka emine enesiqingatha kunye neChicago Fire. Eliqela leMLS lingakwazi ukusolula esisivumelwano kude kubengu-2031.
