USinethemba Badela uphulukene momsebenzi wokuqeqesha isihlandlo sesibini kwisizini enye njengokuba engasenguye umqeqeshi weDurban City ukususela ngoMvulo.
Lenzalelwane yaseSterkspruit, eMpuma Koloni, neneminyaka engamashumi amathathu anesihlanu, yagxothwa yiChippa United ebutsheni balesizini. Okunikisa umdla kukuba yomibini imidlalo yokugqibela kaBadela kwiDurban City ebedlala neeChilli Boys.
“IDurban City FC iqinisekisa ukuba eliqela lohlukene nomqeqeshi uSinethemba Badela ngesivumelwano samacala omabini,” itshilo iDurban City.
UBadela wangena esikhundleni esashiyeka singenamntu emva kokugxothwa kukaGavin Hunt nosele eqeqesha iStellenbosch FC kwiCape Winelands.
