IMamelodi Sundowns itsalwe neqela laseMali, iStade Malien, emva kwemini ngoLwesibini kwimidlalo yamaqela asibhozo okugqibela kwitumente iCAF Champions League.
Iqela eliphumeleleyo phakathi kweSundowns neStade Malien, ezinze kwintloko-dolophu yaseMali iBamako, lizakudlala ne-Esperance yaseTunisua okanye izangxa zaseYiphutha i-Al Ahly kwimidlalo yamaqela amane okugqibela.
Kwelinye icala, iRS Berkane izakuqubisana ne-Al Hilal logama i-AS FAR izakuvana amandla nePyramids kweminye imidlalo yamaqela asibhozo okugqibela.
Imidlalo yomlenze wokuqala izakudlalwa phakathi komhla weshumi elinanye noweshumi elinesibini ku-Epreli. Ukanti, yona imidlalo yomlenze wesibini izakudlalwa phakathi komhla weshumi elinesixhenxe noweshumi elinesibhozo ku-Epreli.
