Umqeqeshi weMamelodi Sundowns, uMiguel Cardoso, uphumelele iwonga lokuba ngumqeqeshi wenyanga kaJanyuwari noFebruwari kusasa ngoLwesithathu.
Lommi wasePortugal, oneminyaka engamashumi amahlanu anesithathu, uphumelele eliwonga emva kokukhokelela izangxa zaseTshwane kwimpumelelo yemidlalo emine ngethuba bebetha iSekhukhune United, AmaZulu, i-Orlando Pirates ne-Orbit College. UCardoso ebekhuphisana nomqeqeshi we-Orlando Pirates u-Abdeslam Ouaddou noGavin Hunt weStellenbosch FC.
Kusenjalo, umdlali wasesiswini kwiPirates, Relebohile Mofokeng, ugoduke newonga lokuba ngumdlali wenyanga emva kokufaka amanqaku amathathu, waze wancedisa kwamanye amathathu.
Kwelinye icala, uGlody Lilepo weKaizer Chiefs uphumelele iwonga lenqaku lenyanga ngenqaku awalifaka ngethuba Amakhosi ayedlala neMarumo Gallants.
