IPremier Soccer League (PSL) iye yabhengeza ngokuhlwa kwangoLwesine ukuba umdlalo wamagqibela kaNkqoyi eNedbank Cup uzakudlalelwa ePeter Mokaba Stadium, ePolokwane, ngoMgqibelo umhla wesibini kuMeyi.
Lomdlalo uzakube uphakathi kweDurban City ne-TS Galaxy, ezintshatsheli zesizini yango-2018/19. ICity ifikelele kumdlalo wamagqibela kaNkqoyi emva kokubetha iqela elidlala kwiMotsepe Foundation Championship (MFC) iCasric Stars ngenqaku elinye eqandeni kuloMgqibelo ogqithileyo.
Kwelinye icala, iiRockets zibethe iqela leMFC iMilford FC ngamanqaku amane kwamathathu emva kokuba lamaqela mabini ebambene ngenqaku elinye macala kwixesha elongezelelweyo.
