IRichards Bay FC ne-Orlando Pirates zibambene ngamanqaku amabini macala kumdlalo weBetway Premiership eMhlathuze Sports Complex ngokuhlwa kwangoLwesihlanu.
IiNatal Rich Boyz ziphale phambili emva kokuba imbumbulu ebisuka kuThulani Gumede kwibhola ebeyiphiwe nguSimphiwe Mcineka imbethile unozinti wePirates uSipho Chaine ngomzuzu weshumi elinanye uqalile umdlalo.
IiBuccaneers ziqale kakuhle ekuqaleni kwesiqingatha sesibini, waze u-Oswin Appollis wafaka inqaku lokulinganisa ngomzuzu wamashumi amahlanu anesibini.
Kwimizuzu esixhenxe elandelayo, iiNatal Rich Boyz ziphinde zaphala phambili ngenqaku likaLindokuhle Zikhali. Kanye xa iiNatal Rich Boyz bezicinga ukuba ziphumelele, uLebona Seema ufake inqaku lokulinganisa emva kokukhaba ibhola engaphandle ebhokisini.
