UBathabile Ziqubu wasEkuvukeni, eMnambithi, uzakufumana ithuba lokuvavanya isakhono sakhe samanqindi xa esilwa no-Angelina ‘Barbie’ Lukas waseKazakhstan kwisithuba esingaphaya kweenyanga ezimbini.
UZiqubu, ongumfundisi ntsapho, uzakucela umngeni kulentshatsheli yeWorld Boxing Federation (WBF) neWIBF kudidi lwejunior-bantamweight kwicandelo labasetyhini kwitumente ezakubanjelwa eKapa ngoLwesihlanu umhla wamashumi amabini anesithandathu kuJulayi.
Lenzwakazi eyinjinga yeWBF International kudidi lwejunior-bantamweight kwicandelo labasetyhini ilwe ngokulingana noNosiacwase Dube-Mutavhatsindi e-Estcourt ngoMatshi, logama uLukas esandula ukuphumelela ngokunqumamisa uMamta Singh wase-India eThailand kulenyanga ephelileyo.
UZiqubu, owaphumelela imbasa ye-2023 Fight of the Year, kunye nomongameli weWBF uHoward Goldberg baqinisekisile ukuba ngenene lenjinga yamhlamnene kudidi lwejunior-bantamweight kwicandelo labasetyhini eMzantsi Afrika izakulwa noLukas.
