Umqeqeshi weMamelodi Sundowns uRulani Mokwena uphumelele iwonga leDStv Premiership Coach of the Month isihlandlo sesithathu kulesizini.
UMokwena uphumelele imbasa yeMay Coach of the Month emva kokukhokelela iiBrazilians kwimpumelelo yemidlalo emine, zadlala ngokulingana kabini, zaze zabethwa kanye. UMokwena, oneminyaka engamashumi amathathu anesixhenxe, wayiphumelela lembasa ngo-April kulonyaka nango-August kulonyaka ophelileyo.
Kusenjalo, amanqaku amahlanu kwimidlalo emihlanu afakwe yifolosi ye-Orlando Pirates uTshegofatso Mabasa akhokelele ekubeni aphumelele imbasa yePlayer of the Month, logama uLindokuhle Mtshali weMoroka Swallows egoduke nembasa yeGoal of the Month, ngenqaku awalifaka bedlala neStellenbosch FC.
