U-Andile Mbenyane, obengumkhonzi othembekileyo nowayengukapteni weChippa United, uwalahlele kude amaquza akhe njengokuba eyekile ukudlala emva kweminyaka engaphaya kweshumi edlalela iiChilli Boys zaseMpuma Koloni.
Lenzalelwane yaseMbekweni, ePere, yaqala ukudlalela iiChilli Boys zisekwisigaba sesithathu sebhola ekhatywayo kwelilizwe loMzantsi Afrika.
UMbenyane, oneminyaka engamashumi amathathu anesithandathu, ebethembekile kwiiChilli Boys, kwaye ebekhona kuwo onke amahla-ndinyuka eliqela elizinze eGqeberha. Inani elivisayo labaqeqeshi lifike, laphinda lemka lishiya uMbenyane kwiiChilli Boys.
