I-Orlando Pirates iphumelele umdlalo wesihlanu emva kokuquthisa AmaZulu ngamanqaku amabini eqandeni kumdlalo weBetway Premiership e-Orlando Stadium, eSoweto, ngokuhlwa ngoLwesihlanu.
Umfana osemtsha uMohau Nkota, oneminyaka elishumi elinethoba, ufake amanqaku ngomzuzu wamashumi amabini anethoba nowamashumi amathathu anesixhenxe. Eneneni, elityendyana ngelifake amanqaku amathathu ukuba belingayiphosanga ibhola ebibonakala ilula.
Usuthu lubonakele luphelile de kwayimizuzu yokugqibela njengokuba luquqe lubuyelela kumhlaba wePirates, laze lavuzwa ngenqaku likaPule Ekstein kwixesha elongezwe ngusompempe.
