Azakubuyela ekhaya Amajita emva kokubethwa ngamanqaku amathathu kwelinye yiColombia kwitumente yeNdebe yeHlabathi yabaneminyaka engaphantsi kwamashumi amabini e-Estadio Fiscal kwelaseChile ngokuhlwa kwangoLwesithathu.
Abafana baseColombia badlulele kumaqela asibhozo okugqibela emva kwamanqaku afakwe nguJoel Canchimbo kunye namabini eze noNeiser Villarreal, logama uMfundo Vilakazi efake elamakhwenkwe oMzantsi Afrika.
Amakhwenkwe omqeqeshi uRaymond Mdaka aye afikelela kumjikelo wesibini waletumente ebanjelwe eMzantsi Melika emva kokuba ebekwindawo yesibini elandela iMelika kuGroup E.
