Iqela elitsala nzima, iStellenbosch FC, ize ngemva yaze yabetha i-Orbit College ngamanqaku amabini kwelinye kumdlalo weBetway Premiership e-Olympia Park Stadium, eRustenburg, ngokuhlwa kwangoLwesithathu.
UMbulelo Wagaba ufake inqaku lakhe lesithathu kulesizini ngethuba engcangcazelisa umnatha kwibhola ibisuka kuMonnapule Saleng xa kanye kuzakuphela isiqingatha sokuqala.
Iqela laseCape Winelands ligqebheke iduma elingophiyo ngethuba uThabo Moloisane ekhutshelwa ngaphandle emva kokufumana ikhadi elibomvu ngomzuzu wamashumi asibhozo ananye.
Kanye nje emva koko, iStellies siye sazingela inqaku lokulinganisa nelifakwe nguThato Khiba ngomzuzu wamashumi asibhozo anethoba. U-Athenkosi Mcaba ufake inqaku lempumelelo kwixesha elongezwe ngusompempe.
