Imbethi-manqindi yaseZimbabwe nengekabethwa, uMonica Mkandla, uzakulwa okokuqala kwisithuba esingangonyaka xa equbisana noMercy Acayo wase-Uganda kulenyanga ezayo.
Njengokuba wagqibela ukulwa ngoJulayi kulonyaka ophelileyo, uMkandla, oneminyaka engamashumi amabini anesine, ulwa no-Acayo kumlo wentshinga engenamntu kwiWorld Boxing Association (WBA) Pan-African kwicandelo labasetyhini kudidi lwentambanani ngoLwesihlanu umhla wamashumi amabini anesine kuMeyi.
Lomlo ophakathi kwezimbethi-manqindi zimbini zasetyhini sizakuwuphathelwa yiFantastic 2 Boxing Promotions ka-Elias Tshabalala eKliprivierberg Recreation Centre, eKibler Park.
Okwangoku, uMkandla osuka eGwanda kwelaseZimbabwe uyiphumelele yonke imilo yakhe emihlanu, logama u-Acayo ephumelele kahlanu, wabethwa kwimilo emine.
