U-Iqraam Rayners ebezidlela itheko ngethuba iStellenbosch FC, ebingenalusini, ingcwaba iPolokwane City ngamanqaku amahlanu eqandeni kumdlalo weDStv Premiership eDanie Craven Stadium kwiCape Winelands ngokuhlwa kwangoMgqibelo.
URayners ufake inqaku lakhe lokuqala kumanqaku amahlanu ngomzuzu weshumi elinesixhenxe eqinisekisa ukuba iStellies siphala phambili ekupheleni kwesiqingatha sokuqala.
URayners wongeze amanqaku amane kwisithuba semizuzu elishumi elinesixhenxe kwisiqingatha sesibini.
Kusenjalo, ngelingeni ide yaphumelela iKaizer Chiefs ibetha iSuperSport United ngamanqaku amabini kwelinye ePeter Mokaba Stadium, ePolokwane.
Amanqaku Amakhosi aze ngequza likaChristian Saile nelikaMduduzi Shabalala, logama uTerrence Dzvukamanja efake eleMatsatsantsa a Pitori, engekaphumeleli kwimidlalo elithoba.
