I-Orlando Pirates itywatyushe iRoyal AM ngamanqaku amane eqandeni kumdlalo weDStv Premiership eHarry Gwala Stadium, eMgungundlovu, emva kwemini ngeCawa.
IiBuccaneers ziphale phambili ngenqaku likaPatrick Maswanganyi ebelixoxisa ngomzuzu wamashumi amabini anethoba.
UThalente Mbatha ufake inqaku lesibini lePirates kwimizuzu elishumi elinanye siqalile isiqingatha sesibini, waze uRelebohile Mofokeng wafaka elesithathu ngomzuzu wamashumi asixhenxe anesine.
Isikhonkwane sokugqibela sibethelelwe nguKabelo Dlamini kumkhumbi weThwihli Thwahla xa kanye kusele imizuzu esibhozo kuphele umdlalo.
