IMamelodi Sundowns ayikhange ibenalusini ngethuba ihlaza iKaizer Chiefs ngamanqaku amahlanu kwelinye kumdlalo weDStv Premiership eFNB Stadium, eNasrec, eRhawutini, ngokuhlwa kwangoLwesine.
UTashreeq Matthews ungcangcazelise umnatha kabini, aze amanye amanqaku eSundowns afakwa nguMatias Esquivel, uLucas Ribeiro Costa noThembinkosi Lorch.
Ukanti, umdlali wasesiswini uMduduzi Shabalala ufake inqaku leChiefs kwibhola ebisuka echaphazeni.
Ngenxa yeziziphumo, iinkunzi zaseTshwane ziyikhusele ngempumelelo intshinga yazo yeDStv Premiership. Ngoku iiBrazilians ziphumelele intshinga yeDStv Premiership izihlandlo ezisixhenxe zilandelelana.
