UMapule Ngubane uzakushiya ikhaya lakhe asingise kwelase-Australia njengokuba eyokulwa nommi wase-Australia uDesley ‘Lady D’ Robinson eMelbourne kulenyanga.
UNgubane, owazalelwa eMgungundlovu, uzakulwa noRobinson kumlo wentshinga engenamntu kwi-IBF Intercontinental kwicandelo labasetyhini kudidi lwemiddleweight eMelbourne Pavilion, eFlemington, ngoLwesihlanu umhla wamashumi amabini anesithathu ku-Agasti.
UNgubane unamava xa ethelekiswa noRobinson njengokuba enemilo engamashumi amabini anesine, ephumelele elishumi elinesithathu, wabethwa kwesibhozo, waze walwa ngokulingana izihlandlo ezintathu. Kwelinye icala, uRobinson uphumelele imilo esixhenxe, waze wabethwa kathathu.
Lo ngumlo wokuqala walenjinga yoMzantsi Afrika kwicandelo labasetyhini kudidi lwemiddleweight kususela mhla wabetha uCharity Mukami Mjwiri waseKenya Emalahleni ngo-Okthobha kulonyaka ophelileyo.
Kusenjalo, uRobinson waseLogan City eQueensland ubethe imbethi-manqindi yaseThailand uSuchada Panich ebutsheni benyanga ephelileyo.
