Iqela eliphala phambili kwiBetway Premiership, i-Orlando Pirates, ibhengezile kusasa ngoMvulo ukuba ityikitye ifolosi u-Andre de Jong.
Lomdlali weqela lesizwe laseNew Zealand uzibandakanye neeBuccaneers esuka kwiqela laseCape Winelands iStellenbosch FC.
“I-Orlando Pirates Football Club yanelisekile kukubhengeza ukuba ityikitye u-Andre de Jong,” itshilo iPirates kusasa ngoMvulo.
Lomfana, oneminyaka engamashumi amabini anethoba, ukwayinxalenye yee-All Whites, kwaye ngahle abekwiqela elizakudlala kwiNdebe yaHlabathi yalonyaka.
UDe Jong wazibandakanya neStellies esuka kwiRoyal AM ngo-2023. Ngaphambi kokudlalela iRoyal AM, uDe Jong wayedlala kwiqela laseThekwini AmaZulu.
