Njengokuba ezakunikela umva uMzantsi Afrika esingise eLiverpool ngoLwesibini, umqeqeshi wamanqindi, uNcedo Cecane, wonelisekile nguNdabezinhle Phiri ngaphambi komlo wakhe nommi waseLiverpool, uBrandon Lee Daord, ngoMgqibelo.

Lenzalelwane yaseBulawayo kwelaseZimbabwe, eneminyaka engamashumi amabini anesihlanu, izakuvana amandla noDaord ngethuba besilwela intshinga engenmantu kwi-International Boxing Organisation (IBO) kudidi lwempukane eBOXPARK, eMerseyside, eLiverpool, e-United Kingdom.  

“Siziqeqeshile kunye mna naye, kwaye ndiyavuya kuko konke endikubonileyo. Sele ewulungele umlo. Sintingela e-United Kingdom ngoLwesibini,” utshilo uCecane.  

UCecane, owayeyintshatsheli yoMzantsi Afrika kudidi lwempukane, unikwe uxanduva lokukhokela uPhiri njengokuba umqeqeshi walembethi-manqindi, uManny Fernandes, ezakube exakekile, ekhokela uCharlton ‘Baby Pain’ Malajika xa esilwa noLandile ‘Man Down’ Ngxeke kumlo wentsinga engenamntu kwi-IBO kudidi lwentambanani e-Emperors Palace, eKempton Park, Ekurhuleni, ngoMgqibelo.

UCecane, ongumqeqeshi oyintloko kwindawo yokuqeqesha yeWBC kumbindi dolophu yaseRhawutini, uzakuncediswa nguBrad Norman, ogaleleke eNgilane kuleveki ephelileyo.  

Lomlo uthelekisa iimbethi-manqindi ezingekabethwa njengokuba uPhiri eyiphumelele yolishumi elinanye imilo yakhe, engqengqise amadoda amahlanu, logama uDaord, oneminyaka engamashumi amabini anethoba, ephumelele imilo elishumi elinambini, wanqumamisa amadoda amathathu. – Monwabisi Jimlongo 

Leave a Reply

Your email address will not be published. Required fields are marked *

css.php