Lizakuncuma lodwa iqela eliphumelele indebe yeBetway Premiership ekupheleni kwesizini njengokuba lizakufumana izigidi ezingamashumi amabini.
Oku kuqinisekiswe ngusihlalo wePremier Soccer League (PSL) u-Irvin Khoza kwingqungquthela nonoondaba eParktown, eRhawutini, kusasa ngoLwesithathu.
“Abaphumelele iBetway Premiership kulesizini bazakufumana izigidi ezingamashumi amabini,” uqinisekise watsho uKhoza.
Esisibhengezo senze ukuba ifikelele ekupheleni imibuzo ebibuzwa ngabalandeli bebhola ekhatywayo malunga nesixa-mali esizakuphunyelelwa kususela mhla iPSL yabhengeza uBetway njengabaxhasi abatsha ngo-Agasti.
