Ukuzalwa komntwana womdlali wasemva kwiMamelodi Sundowns u-Aubrey Modiba kuvulele ithuba lokokuba uVuyo Letlapa azibandakanye neqela leBafana Bafana ePolokwane ngaphambi komdlalo wemfezeko weNdebe yoMhlaba neLesotho ngoLwesihlanu.
Lomdlali wasemva kwiSekhukhune United noneminyaka engamashumi amabini ananye ungene endaweni kaModiba, okhululiweyo ukuba ayokuhlala nomlingane wakhe kunye nosana lwabo. UModiba ungumdlali wesibini ukuphuma kwiqela lomqeqeshi uHugo Broos.
UPatrick Maswanganyi, owonzakeleyo, urhoxe ngoMvulo kwiBafana, yaze indawo yakhe yathatyathwa ngumdlali wasesiswini kwiPolokwane City uNdamulelo Maphangule.
Kusenjalo, iBafana izakudlala neBenin komnye umdlalo wemfezeko e-Abidjan kwelase-Ivory Coast ngoLwesibini kuleveki ezayo.
