Liqhubela phambili iphulo leChippa United lokutyikitya abadlali abatsha njengokuba eliqela libhengezile emva kwemini ngoLwesibini ukuba lityikitye uHarold Majadibodu, obesakudlalela i-University of Pretoria kwiMotsepe Foundation Championship (MFC).
Lomdlali wasemva, oyinzalelwane yaseLephalale eLimpopo, uzibandakanye neeChilli Boys eGqeberha emva kokuba eliqela lityikitye uSomila Ntsundwana noJustice Figareido ngoLwesibini. UMajadibodu, oneminyaka engamashumi amathathu, wayengukapteni wAmaTuks.
