Emva ngokungena dyulukudu kuluhlu lweembethi-manqindi ezilishumi elinesihlanu eziphambili kudidi lwempukane lwe-International Boxing Federation (IBF), ngoku uNkosingiphile Sibisi uzakulwa noLongyi Hu waseTshayina.
USibisi waseGlencoe, KwaZulu-Natal, noHu bazakuvana amandla kumlo wentshinga engenamntu kudidi lwempukane kwi-IBF International ngoMgqibelo umhla weshumi elinanye ku-Okthobha.
Lo mlo kaSibisi, ongekabethwa, kunye nalembethi-manqindi yaseTshayina uqinisekiswe ngumlawuli wakhe uColin ‘Nomakanjani’ Nathan weNO DOUBT Management.
USibisi, oyintshatsheli yoMzantsi Afrika kudidi lwempukane, ubethe uZolile Miya ngethuba ekhusela intshinga yakhe okwesibini kumlo obuse-Estcourt, KwaZulu-Natal, kwiinyanga ezintandathu ezigqithileyo.
Kwelinye icala, uHu, oyinzalelwane yaseChengdu nosele engummi waseShenzhen, uphumelele imilo elithoba, enqumamise amadoda amahlanu, wabethwa kwimilo emibini, waze walwa ngokulingana kwemibini.
UHu, obethe uDave Apolinario wasePhilippines kumlo wakhe wokugqibela ngo-Epreli, yimbethi-manqindi yokuqala esuka kwilizwekazi i-Asia elwa noSibisi.
Ephumelele kathathu, walwa ngokulingana kabini kwimilo yakhe emihlanu yokugqibela, uHu, oneminyaka engamashumi amabini anesithandathu, uqeqeshwa eShenzhen Jianzhi Pro Combat Academy.
