Iqela laKwaZulu-Natal, iDurban City, ibhengezile ngokuhlwa kwangoLwesihlanu ukuba ifumene iJonsson Workwear njengabaxhasi bayo abatsha.
Eliqela eliqeqeshwa nguGavin Hunt likwindawo yesine kumanqwanqwa eBetway Premiership ngamanqaku alishumi elinanye kwimidlalo emithandathu. ICity inyuselwe isuka kwiMotsepe Foundation Championship (MFC) isiya kwiBetway Premiership kulesizini ephelileyo.
“IDurban City FC inebhongo ngokubhengeza iJonsson Workwear njengabaxhasi bayo abatsha. Esisivumelwano simanya amaqumrhu aneengcambu eziseThekwini, akhelwe ekunyamezeleni naseluntwini,” itshilo iCity.
ICity yenjenjeya ukuya eLucas Moripe Stadium, e-Atteridgeville, kwintshona yePitoli, apho izakudlala khona neentshatsheli ezikhusela iBetway Premiership, iMamelodi Sundowns, ngentsimbi yesibhozo ngokuhlwa kwangoMgqibelo.
