I-Orlando Pirates idize ngoLwesithathu ukuba ifikelele kwisivumelwano neqela laseBelgium, iRoyale Union Saint-Gilloise, malunga nokutyikitywa kukaRelebohile Mofokeng.
Lenzalelwane yaseSharpeville, eVanderbijlpark, neneminyaka engamashumi amabini ananye, idlale indima enkulu ngethuba iiBuccaneers ziphumelela iindebe ezintathu kulesizini ephelileyo.
“I-Orlando Pirates Football Club ingangqinisisa ukuba ifikelele kwisivumelwano neRoyale Union Saint-Gilloise malunga nokuthengiswa kukaRelebohile Mofokeng. Ngexa lamaqela mabini sele eziqukumbele iingxoxo malunga nemali ezakuhlawulwa, i-Orlando Pirates ingangqinisisa ukuba kushiyeke nje uMofokeng aphumelele uvavanyo lwezempilo, aze aqukumbele imiba yakhe neliqela leBelgian Pro League side,” itshilo iPirates.
IiBuccaneers zongeze ngelithi isivumelwano neqela laseBelgium saqukunjelwa ngaphambi kokuba uMofokeng adlalele iBafana Bafana kwiNdebe yeHlabathi esingathwe ngokubambisana phakathi kweMelika, iMexico neCanada.
