Iqela laKwaZulu-Natal, iRichards Bay FC, ibhengezile emva kwemini ngoLwesine ukuba iyiguqulile indawo ekuzakudlalelwa kuyo umdlalo weBetway Premiership neKaizer Chiefs.
Ngoku, lo mdlalo ophakathi kweeNatal Rich Boyz neChiefs uzakudlalelwa ePrincess Magogo Stadium, KwaMashu, ngoLwesithathu kuleveki ezayo.
Ekuqaleni, iMoses Mabhida Stadium eseThekwini, ibiyiyo eyolathelwe lo mdlalo njengokuba iMhlathuze Sports Complex eseRichards Bay isephantsi kolungiso.
Nkqu nabatshakazi bePremiership, iMilford FC, esebenzisa iMhlathuze Sports Complex njengekhaya layo, izakuyidlalela kwenye indawo imidlalo yasekhaya de lugqitywe ulungiso.
