Kuthabathe uMonica Mkandla waseZimbabwe umzuzu nemizuzwana engamashumi amahlanu anesihlanu ukunqumamisa uLoveness Kokha kumlo obubanjelwe e-Emperors Palace, eKempton Park, Ekurhuleni, ngokuhlwa kwangoLwesine.
Emva kokudzulela ngqo kulommi waseMalawai isakubetha intsimbi, uMkandla ukhawulezise wawuphelisa umlo ngenqindi lasekhohlo elingene ezimbanjeni zikaKokha, nto ke leyo ekhokelele ekubeni uNamhla Tyuluba athi kwanele, wawuchitha umlo.
Ukulandela oluloyiso, uMkandla, oneminyaka engamashumi amabini anesihlanu noyinzalelwane yaseGwanda kwelaseZimbabwe, sele eyiphumelele yolishumi elinanye imilo yakhe, enqumamise oosisi abathathu.
Impumelelo kaMkandla ilandela emva kweenyanga ezimbini nje enqumamise imbethi-manqindi ezinze eKapa, uSimamkele Tutsheni, kumjikelo wesithandathu.
Emva kokubethwa kwakhe nguMkandla, ngoku uKokha sele ephumelele imilo emihlanu, enqumamise usisi omnye, wabethwa kwimilo elishumi elinesithathu, waze walwa ngokulingana komnye.
