Sele ubekiwe umhla wokungcwatywa kwentshatsheli yamhlamnene eMzantsi Afrika nasehlabathini, umfi uDingaan ‘The Rose of Soweto’ Thobela.
UThobela, owayeyintshatsheli yoMzantsi Afrika kudidi lwejunior-lightweight, uzakubekwa kwikhaya lakhe lokulinda ngoLwesine kuleveki ezayo. Ukanti, ayikabhengezwa indawo ekuzakubanjelwa kuyo inkonzo yakhe yomngcwabo.
Umzimba kaThobela, obusele ubanda, ubhaqwe kwiflat yakhe eLanglaagte, eRhawutini, ngoMvulo. UThobela, owazalelwa eChiawelo, eSoweto, ebeneminyaka engamashumi amahlanu anesixhenxe.
Ngaphandle kokuphumelela intshinga yoMzantsi Afrika, uThobela wakhe wabayintshatsheli yeWorld Boxing Council (WBC) kudidi lwesuper-middleweight, yeWorld Boxing Association (WBA) neWorld Boxing Organisation (WBO) kudidi lwelightweight.
