IMamelodi Sundowns izakuqubisana ne-Orlando Pirates kumdlalo wamagqibelakankqoyi eNedbank Cup eMbombela Stadium, eNaspoti, ngoMgqibelo umhla wokuqala kuJuni.
Oku kwenzeke emva kokuba iiBrazilians ziquthise iStellenbosch FC ngamanqaku amabini kwelinye eDanie Craven Stadium kwiCape Winelands emva kwemini ngeCawa.
Emva kokungena iphuma emhlabeni weStellies, ngelingeni iSundowns ide yalifumana inqaku, lifakwa ngumdlali wasemva uKhuliso Mudau emva kokubetha u-Oscarine Masuluke kwicala ebelinzima ngomzuzu weshumi elinanye.
Kukhe kwabakho ithuba lokulibaziseka emva kokonzakala emphakathweni kwesekela sompempe lokuqala uZakhele Siwela, oye waphuma kwangena igosa lesine uChristopher Kistoor, oye wabalisekela sompempe lesibini.
Ilalela uThembinkosi Lorch ubethe ibhola ngentloko yadlula kuMasuluke emva kokufumana ibhola ebisuka kuPeter Shalulile ngomzuzu wamashumi asixhenxe anesine.
UShalulile uphulukene nethuba elihle ephosa ibhola ebisuka echaphazeni kwimizuzu elishumi ngaphambi kokuphela komdlalo. Usompempe uJelly Chavani wolathe echaphazeni emva kokudlalwa kakubi kukaMudau.
Umzuzu nje omnye emva koko, uGenino Palace ufake inqaku leStellies emva kokufeda kwabadlali basemva kwiSundowns
