IMagesi FC iqhubele phambili nokwenyuka kumanqwanqwa eBetway Premiership emva kokuphumelela ngenqaku elinye eqandeni kumdlalo neLamontville Golden Arrows eSeshego Stadium, ePolokwane, emva kwemini ngoMgqibelo.
Inqaku lalomdlalo lifakwe ngumdlali wasemva kwiDikwena tsa Meetse uLehlogonolo Mokone ngomzuzu wamashumi amabini anesithandathu.
Ngenxa yempumelelo kumdlalo nAbafana Bes’thende, iDikwena tsa Meetsi isuke kwindawo yeshumi elinesine yayokutsho kweyeshumi kumanqwanqwa ePremiership.
Kusenjalo, iMarumo Gallants ikwindawo yeshumi elinesithathu emva kokubetha iCape Town City ngenqaku elinye eqandeni, nqaku elo lifakwe nguGabadinho Mango kumdlalo obubanjelwe e-Athlone Stadium.
