I-Orlando Pirates ibonakalise ukungabinalusini ngexesha itywatyusha iMilford FC ngamanqaku amathathu eqandeni kumdlalo weCarling Knockout Cup e-Orlando Amstel Arena, eSoweto, ngokuhlwa kwangoLwesibini.
IiBuccaneers ziphale phambili ngethuba uThapelo Mokobodi engcangcazelisa umnatha kwibhola ebivela kuTshepang Moremi ngomzuzu weshumi elinesithandathu. UMoremi ufake inqaku lesibini lePirates emva kokunikwa ibhola nguThalente Mbatha kwimizuzu elishumi elinesibhozo elandelayo.
UMoremi uphinde wafaka elinye inqaku kwixesha elongezelelweyo emva kokufumana ibhola ebisuka kuMpho Padime.
Kusenjalo, uWandile Duba uwafake omathathu amanqaku ngethuba iKaizer Chiefs iquthisa i-TS Galaxy ngamathathu eqandeni e-FNB Stadium, eNasrec, eRhawutini.
Ukanti, iMamelodi Sundowns ingenile kumjikelo olandelayo emva kokubetha iMarumo Gallants ngenqaku elinye, elifakwe nguSiyanda Ndlovu eLoftus Versfeld, ePitoli.
