IBafana Bafana ibambene ngamanqaku amabini macala neeHarambee Stars zaseKenya kumdlalo wokuzibekela indawo kwitumente yendebe yamazwe ngamazwe ase-Afrika e-Orlando Amstel Arena, eSoweto, ngokuhlwa kwangoLwesihlanu.
IBafana iphale phambili emva kokuba u-Amos Emmanuel Wanjala ehlabe ngomkhonto ekhaya, ekhaba ibhola yagqitha kunozinti weeHarambee Stars, uByrne Omondi Odhiambo, ngomzuzu wethoba emva koxinezelelo ebeluvela kuRelebohile Mofokeng.
Umdlali wasemva kwiBafana, uhabang Matuludi, ubambe ibhola ebhokisini, waze ukapteni weeHarambee Stars, uMichael Oguda Olunga, akenza mpazamo, ebetha unozinti nokapteni weBafana, uRonwen Williams, kanye ngaphambi kokuphela kwesiqingatha sokuqala.
UMofokeng, odlalela iRoyale Union Saint-Gilloise kwilizwe laseBelgium, ufake inqaku lesibini leBafana ngomzuzu wamashumi asixhenxe anesixhenxe.
URyan Wesley Rabok Ogan usebenze nzima ngaphambi kokufaka elesibini leeHarambee Stars, ebetha uWilliams ngebhola ebithwethwa phantsi ekuzeni kuphela komdlalo.
