Iqela eliphala phambili eMzantsi Afrika, iMamelodi Sundowns, ithelekiswe neYoung Africans yaseTanzania kumaqela asibhozo okugqibela kwiCAF Champions League.
Umlenze wokuqala uzakudlalwa kwimpelaveki yomhla wamashumi amabini anethoba ukuya ngomhla wamashumi amathathu kulenyanga. Kwaye umlenze wesibini uzakuba kwimpelaveki yomhla wesihlanu nowesithandathu.
Elinye iqela laseTanzania, iSimba SC, izakuqubisana neengwenya zaseYiphutha, i-Al Ahly, logama iinkunzi zaseDemocratic Republic of Congo (DRC) iTP Mazembe ne-Atlético Petróleos de Luanda yase-Angola zizakuvana amandla.
Kusenjalo, i-Esperance Sportive de Tunis yaseTunisia izakugagana ne-ASEC Mimosas yase-Ivory Coast komnye umdlalo wamaqela asibhozo okugqibela.
