Kubonakala kusenzima ukubetha iMamelodi Sundowns njengokuba idlale ngokulingana ngenqaku elinye macala nabamelwane bayo iSuperSport United kumdlalo weDStv Premiership eLoftus Versfeld, ePitoli, ngokuhlwa kwangoLwesibini.
Iinkunzi zaseTshwane, eziphala phambili kumanqwanqwa ePremiership, zifake inqaku kuqala ngethuba umdlali wasesiswini, uTeboho Mokoena, ebetha ibhola edle unozinti weMatsatsantsa a Pitori uWashington Arubi ngomzuzu wamashumi amathathu.
Ithabathe iMatsatsantsa imizuzu emine kuphela ukufumana inqaku lokulinganisa elifakwe yifolosi ebukhali, uBradley Grobler, nofake inqaku lakhe lekhulu neshumi ukususela waqala ukudlala kudidi lwabahlawulwayo.
