IStellenbosch FC yongeze kwiingxaki zeKaizer Chiefs iwabetha Amakhosi ngenqaku elinye eqandeni kumdlalo weDStv Premiership eFNB Stadium, eNasrec, ngokuhlwa kwangoLwesibini.
UDevin Titus ufake elinqaku libaluleke kangaka kwiqela laseCape Winelands xa kanye usompempe ebelungiselela ukuvuthela impempe ukuze kuhlatywe ikhefu.
IStellies, esikwindawo yesibini kumanqwanqwa ePremiership, asikabethwa kwimidlalo elishumi elinethoba, logama Amakhosi ekwindawo yesixhenxe.
Kusenjalo, iMamelodi Sundowns iphinde yaphumelela kwakhona, ibetha iRichards Bay FC ngenqaku elinye eqandeni, nqaku elo lifakwe nguJunior Mendieta kwixesha leemfefe zikasompempe.
Ezinye iziphumo:
Sekhukhune United 2 Cape Town City 2
AmaZulu 0 Polokwane City 0
