Umqeqeshi wamanqindi kwelasePhilippines, uJulius Erving Junco, oqeqesha uChristian ‘The Bomb’ Araneta, uthi makulindelwe umsinandozele womlo xa uSivenathi ‘Special One’ Nontshinga esilwa noJonathan ‘Bomba’ Gonzalez.
UNontshinga, oyintshatsheli ye-International Boxing Federation (IBF) kudidi lwejunior-flyweight, nenjinga yeWorld Boxing Organisation (WBO) uGonzalez bazakunukiselana ngamakhwapha kwelasePuerto Rico ngoMgqibelo umhla weshumi elinesihlanu kuJuni (NgeCawa umhla weshumi elinesithandathu, ngokwexesha loMzantsi Afrika).
“Umlo kaBomba noSpecial One uzakubozelisa abantu abalandela amanqindi,” utshilo lomqeqeshi oyintloko e-Omega Boxing Gym.
Kuyaca ukuba uJunco akaxolanga sisigqibo sikaNontshinga sokulwa noGonzalez, endaweni yokuvana amandla no-Araneta, okwindawo yokuqala kumanqwanqwa e-IBF.
Nontshinga waseMpuma Koloni, oneminyaka engamashumi amabimk anssihlanu, wabetha u-Araneta ngamanqaku kumlo wokuhlungela intshinga ye-IBF kwihotele yaseBoardwalk, eGqeberha, ngo-Epreli 2021.
