IBafana Bafana iquthise iiWarriors zaseZimbabwe ngamanqaku amathathu kwelinye kumdlalo wemfezeko weNdebe yoMhlaba ka-2026 eFree State Stadium, eBloemfontein, ngokuhlwa kwangoLwesibini.
Bekucingeleka ukuba iBafana iqale ngendlela engummangaliso ngethuba u-Iqraam Rayners efaka inqaku kumzuzu wokuqala umdlalo uqalile emva kwempazamo yeeWarriors.
Kodwa ke, iZimbabwe iphendule zisuka nje ngenqaku likaTawanda Chirewa obethe ibhola yadlula kunozinti nokapteni uRonwen Williams ngomzuzu wesibini.
IBafana iphinde yaphala phambili ngethuba ilalela uThapelo Morena efaka inqaku lesibini kwibhola ebisuka ku-Oswin Appollis ngomzuzu wamashumi amahlanu anesihlanu.
UMorena ubonakalisile ukuba akahambi edlala xa ethunyiwe njengokuba efake inqaku lakhe lesibini ngomzuzu wamashumi asixhenxe anesithandathu emva kwebhola ebisuka kugxa wakhe kwiMamelodi Sundowns uTeboho Mokoena.
