IMarumo Gallants ibhengezile kusasa ngoLwesine ukuba ityumbe uSello Nduna njengesithethi sayo esitsha.
UNduna, ongumsasazi wezemidlalo kwiMotswedingfm, wayebambe esisikhundla sinye kwiBloemfontein Celtic ngaphambi kokuba ubume bayo buthengiselwe uShawn Mkhize.
“Siyavuya ukwamkela uSello Nduna njengesithethi sethu esitsha kwiMarumo Gallants FC. Onkaba yakhe iseBloemfontein, uSello sisisele senyathi kwicandelo lokusebenza nabeendaba,” zitshilo iiGallants.
UNduna wayeligosa lokunxulumanisana oonondaba ngethuba leNdebe yeHlathi ka-2010 nangetumente yeFIFA Confederations Cup ngo-2009.
“Okokuqala mandithabathe elithuba ndibulele umongameli weliqela uGqirha Abram Sello nabalawuli beMarumo Gallants FC ngokucinga ngam ukuba ndibeyinxalenye yeliqela lebhola ekhatywayo. Ndiziva ndisikelekile ukubuyela kwibhola ekhatywayo, kwaye ndijonge ukuba negalelo elikhulu ekukhuleni kweMarumo Gallants FC brand,” utshilo uNduna.
