UPhikelelani Khumalo wase-Ugu, KwaZulu-Natal, akazange aphumelele nto ngethuba wayesadlala ibhola ekhatywayo, ngoku ke ufumana ithuba lokulungisa lonto njengokuba esilwa noFaustin Bukasa ngoMgqibelo.
UKhumalo, owayengumdlali weLamontville Golden Arrows neMaritzburg United kwiDiski Challenge, noBukasa waseDemocratic Republic of the Congo (DRC) bazakulwela intshinga engena kwi-African Boxing Union (ABU) kudidi lwemiddleweight eStation Urban Event Space, eThekwini.
Kusenjalo, u-Arnel Lubisi waseMpumalanga woyisakele ukwenza ubunzima ngaphambi komlo wakhe wentshinga engenamntu kwi-ABU-SADC kudidi lwentambanani, esilwa noMnelisi Ndlovu.
NguNdlovu waKwaXimba kuphela ozakukwazi ukuphumelela ibhanti le-ABU njengokuba impumelelo kaLubisi ingasoze imnike intshinga emva kokufeda ekwenzeni ubunzima obuqingqiweyo.
